de Vogel

Also ich mache male de Afang und stelle dKathrin vor:

Kathrin Vogel
Si isch gueti 22 Johr alt, Polygraphin vo Bruef und wohnt in Hamisfeld (sozege dete wos Endi vo de Welt isch) aber aufgepasst, irgendwenn im 13te Johrhundert isch Hamisfeld serschtmal i de Gschicht vorcho *jawohl*

De Kathrin ihri Hobbies sind chli go Tschutte go mit glich gsinnte Fraue, oder den im TV achli dSau uselo :-) si isch also total e sportlichi.

Denn, die Eigeshaft wo Kathrin am beschte beschriebt isch lieb si... sie isch immer nett, lieb und extrem zuvorkommend. Sie würd au den nid bös sie, wenn ich ihre sege, ezt bis mal bös ;-)

Ja irgendwenn voreme Zitli hend mir mol wieder en Firobet Trunk gnosse und debi entschlosse, dases Zit isch zum emol en Teil vo de Welt gseh... Wieso mir genau uf Thailand cho sind, weiss ich nüme. Aber villicht chan sie eu bald me dezue verzelle...

Und ach jo, mini Meinig isch das mir ab sofort de Blog füered, egal ob mir im Usland sind oder i de Schwiiz... über de Vogel und dEnte gits immer näbis zverzelle... und da sie ko ab und zue im usgang gsichtet werded, wirds au bestimmt öfters mal e foti ineschneie :-) (passend zum Wetter dusse)

Villicht gseht das aber dKathrin total anderscht... mol luege